Ilubong karong Miyerkules, Hunyo 24, si Rene Clert Baterbonia sa bag-ong municipal cemetery sa Barangay Labnig, Talacogon, Agusan del Sur.
Si Baterbonia, usa ka Ateneo de Manila basketball player, namatay tungod sa asphyxia by drowning atol sa usa ka team-building activity sa Aurora uban sa iyang kauban nga si Divine Adili.
Samtang nagpadayon ang paghatag og katapusang pasidungog sa batan-ong atleta, gihatagan usab siya og posthumous nga Datu Lipus Makapandong Award sa Provincial Government of Agusan del Sur isip pag-ila sa iyang mga kalampusan ug sa dungog nga iyang nahatag sa probinsya pinaagi sa sports.
Nailhan si Baterbonia isip usa sa labing maayong batan-ong manlalaro sa nasud. Gipangulohan niya ang Davao Region sa ilang unang basketball championship sa Palarong Pambansa niadtong 2025 ug nakatabang usab sa Pilipinas sa pagdaog sa 14th ASEAN School Games.
Photo Courtesy: DSWD Caraga
