Nahuman na ang Bilateral Maritime Cooperative Activity (MCA) sa West Philippine Sea nga gipangulohan sa Armed Forces of the Philippines (AFP) ug United States Indo-Pacific Command (USINDOPACOM) gikan Hunyo 14 hangtod Hunyo 19, 2026. Kini mao na ang ika-upat nga joint maritime exercise sa Pilipinas ug Estados Unidos karong tuiga.
Sa sulod sa unom ka adlaw nga ehersisyo, nagdeploy ang Pilipinas og mga barko sa Philippine Navy ug Philippine Coast Guard sama sa BRP Diego Silang, BRP Melchora Aquino, ug BRP Sindangan, kauban ang FA-50 fighter jets ug Sokol helicopters.
Ang US usab nagpadala og mga barko sama sa USCGC Charles Moulthrope ug USCGC Emlen Tunnell, usa ka P-8A Poseidon maritime patrol aircraft, ug mga sundalo gikan sa 3rd Marine Littoral Regiment.
Apil sa mga drills ang Search and Rescue (SAR), ship inspection o VBSS, communication exercises, division tactics, ug joint fires rehearsal.
Sumala sa AFP, ang kalampusan sa maong aktibidad nagpakita sa padayon nga kooperasyon sa Pilipinas ug US aron mapalig-on ang seguridad sa kadagatan ug mapadayon ang kalinaw sa Indo-Pacific region.
Photo Courtesy: Philstar.com
