Mikunhod ang ranggo sa lima ka unibersidad sa Pilipinas sa pinakabag-ong 2027 QS World University Rankings, sumala sa resulta nga gipagawas kagahapon sa adlaw’ng Huwebes niining tuiga. Bisan pa niini, nagpabiling angayan sa listahan ang mga nag-unang institusyon sa nasud sa mas labaw sa 1,500 ka unibersidad nga gisusi gikan sa kapin 100 ka nasud ug teritoryo.
Ang mga unibersidad nga mikunhod sa ranggo mao ang University of the Philippines, Ateneo de Manila University, De La Salle University, University of Santo Tomas ug Adamson University. Matud sa QS, bisan adunay pag-uswag ang mga Philippine universities sa pipila ka aspeto sama sa research, international collaboration ug employment outcomes, mas paspas usab ang pag-uswag sa ubang unibersidad sa kalibutan nga nakaapekto sa ilang kinatibuk-ang ranking.
Bisan sa pagkunhod sa ranggo, giingon sa mga eksperto nga ang maong resulta, kinahanglan tan-awon, isip oportunidad, aron mas mapalig-on pa ang kalidad sa edukasyon, panukiduki ug internasyonal nga pakigtambayayong sa mga unibersidad sa Pilipinas. Gilauman usab nga magpadayon ang mga eskwelahan sa pagpalambo sa ilang mga programa, aron mas mapataas ang ilang puwesto sa umaabot nga mga rankings.
Photo Courtesy: PRC Board News
