Natunol na ang pinansyal nga tabang ang Land Transportation Franchising and Regulatory Board (LTFRB) Region-9 nga mokabat sa tag P20,000 mil, kada bulan alang sa mga kwalipikadong operator sa Modernized Public Utility Jeepneys (MPUJ).
Giingon ni LTFRB-9 Regional Director Tommy “Tanjie” Macadindang, nga naa nay giaprobahan sa central office nga financial assistance tumong aron makatabang sa pagbayad sa binulan nga amortization sa mga modernong sakyanan ug pagpaga-an sa pinansiyal nga palas-anon sa mga operator nga sakop sa Public Transport Modernization Program.
Gidugang ni Macadindang nga tulo na ka PUV operator sa Region 9 ang nakadawat sa maong assistance, kini mao ang Tri J’s Transport sa Zamboanga City, Evergood Transport sa Zamboanga del Norte, ug Starlight Express sa Zamboanga del Sur.
Giigon sa opisyal, naghulat pa karon sa central office sa laing hugna sa tabang samtang dili kini awtomatikong ihatag sa tanang operator nga mokuha og bag-ong unit, tungod kay adunay mga kwalipikasyon ug kondisyon nga kinahanglan matuman subay sa mga lagda sa programa sa ahensya.
