Mipanaw na ang beteranong basketball referee nga si Romy Guevara sa edad nga 89-anyos tungod sa dugay nang gisagubang nga balatian.
Gikompirmar sa iyang pamilya ang balita sa iyang pagpanaw. Nailhan si Guevara isip usa sa labing respetadong opisyal sa basketball sa Pilipinas, diin nagsilbi siya isip referee sa nagkalain-laing dagkong liga sama sa MICAA, PABL, NCAA ug UAAP.
Human sa iyang aktibong karera isip referee, mipadayon siya sa pagserbisyo sa dula isip supervisor of officials sa Philippine Basketball Association o PBA.
Ang ulahing pagpakita ni Guevara sa publiko, mao sa PSA Awards Night upat ka bulan na ang milabay diin gidunggan siya pinaagi sa usa ka Lifetime Achievement Award isip pag-ila sa iyang dakong kontribusyon sa Philippine basketball.
Gibiyaan ni Guevara ang usa ka malungtarong panulondon sa kalibutan sa sports ug inspirasyon sa daghang mga referee ug atleta sa nasud.
Photo Courtesy: Inquirer.net
