Ipahigayon sa Eastern Mindanao Command o EastMinCom ang Exercise Surigao Sentinel 2026, nga magsugod karong Oktubre 22 hangtod 25, sa Surigao Strait, ning dakbayan sa Surigao, ug sa probinsya sa Dinagat Islands.
Sumala ni Col. Rosa Maria Cristina Rosete-Manuel, tigpamaba sa EastMinCom, maghiusa sa upat ka adlaw nga ehersisyo ang nagkadaiyang yunit sa militar, ahensiya sa gobyerno, lokal nga kagamhanan, mga reservist, disaster responders ug ubang partner stakeholders.
Tumong sa kalihokan nga pasidunggan ang kaisog ug sakripisyo sa mga sundalo nga nakig-away ug nanalipod sa katubigan sa nasud atol sa makasaysayang Battle of Surigao Strait.
Lakip usab sa mga tumong niini ang pagpalig-on sa kahandam sa militar ug mga kaubang ahensiya, pagpauswag sa koordinasyon ug kooperasyon sa matag grupo, ug pagpalig-on sa kapasidad sa pagresponde sa mga emerhensiya ug kalamidad.
Gilauman usab nga pinaagi sa maong ehersisyo, mas mapauswag ang paghatag og serbisyo publiko ug ang kahandam sa mga komunidad sa pag-atubang sa nagkadaiyang hulga ug kalamidad.
Photo courtesy: Eastern Mindanao Command, AFP
