Posible pang mokusog ug mahimong bagyo ang usa ka tropical depression nga namatikdan sa sidlakang bahin sa Pilipinas bisan pa man nga anaa pa kini sa gawas sa Philippine Area of Responsibility (PAR).
Sumala sa mga weather experts, ang maong sama sa panahon namatikdan sa gilay-on nga 1,735 kilometro sa sidlakan sa Eastern Visayas.
Kini adunay kusog nga hangin nga mokabat sa 55 kilometro kada oras duol sa sentro ug pagbugso nga hangtod 70 kilometro kada oras samtang naglihok paingon sa west-northwest sa gikusgon nga 35 kilometro kada oras.
Sa pagkakaron, wala pa kini direktang epekto sa nasud apan padayon kining gibantayan sa mga meteorologist aron masuta kung adunay mga lugar nga posibleng maapektuhan.
Kung mosulod kini sa Philippine Area of Responsibility, paganganlan kini og Francisco, nga maoy ika-unom nga tropical cyclone nga mosulod sa nasud karong tuig 2026.
Photo Courtesy: GMA News
