Bisan ang mga makililimos sa dalan, duna nay kaatbang nga teknolohiya. Daghang high-tech nga mga robot ang nakit-an karon nga nagpapalimos sa pipila ka syudad sa China.
Sumala sa mga report gikan sa Beijing, Chengdu, ug Fuzhou, makita kining mga advanced humanoid robots nga nagluhod o nagpundok sa kadalanan samtang nagpaubos sa ilang ulo. Imbis nga mangayo og sensilyo, duna silay bitbit nga karatula nga nag-ingon: “Palihug bayri akong bill sa kuryente” ug “Wala koy kuwarta pang-charge sa akong cellphone.” Mas grabe pa, duna pa silay QR code alang sa online payment!
Kini nga mga hulagway daling nag-viral sa internet ug nagdala og kabalaka sa publiko kung pati ba dula sa kadalanan, ilugan na sad ba sa Artificial Intelligence o AI.
Apan duna sa’y nagduda tungod kay kining mga robot, sama sa Unitree G1, labihan kamahal ug dili praktikal nga gamiton lang sa pagpalimos. Gilauman nga kini usa lang ka matang sa art installation aron mapamatngon ang tawo sa nagka-grabe ug nagka-talagsaong relasyon sa tawo ug sa teknolohiya.
Photo courtesy: Oddity Central
