Nagpahibalo si Pres. Ferdinand Bongbong Marcos Jr. nga paulion na sa Pilipinas ang 24 ka Pilipino nga nadetinir sa Russia sulod sa siyam ka bulan.
Sa iyang mensahe sa social media sa pagtapos sa iyang duha ka adlaw nga working visit sa Kazan, Russia alang sa ASEAN-Russia Commemorative Summit, sigon ni Marcos nga sa dili madugay makabalik na ang mga Pilipino aron makig-uban pag-usab sa ilang mga pamilya.
Nagpasalamat usab si PBBM kang Russia Pres. Vladimir Putin ug sa gobyerno sa Russia tungod sa ilang kooperasyon ug tabang aron masulbad ang maong isyu.
Atol sa iyang pagbisita, nakigpulong usab si Marcos kang Putin diin ilang gihisgutan ang pagpalapad sa kooperasyon sa duha ka nasud sa natad sa seguridad, sa pagkaon ug enerhiya.
Gidapit usab ni Marcos si Putin sa pag-apil sa ika-21 nga East Asia Summit nga ipahigayon sa Manila karong buwan Nobyembre, ning tuiga.
Matud pa ni Putin, adunay dakong potensyal alang sa mas lig-on nga kooperasyon tali sa Russia ug Pilipinas ilabina sa sektor sa agrikultura ug enerhiya.
Photo courtesy: 19january2021snapshot.epa.gov
