Nakapahibulong sa daghang katawhan ang kaso sa usa ka babaye nga taga Talisay City, Cebu human nakit-an nga halos intact pa ang lawas bisan human na sa 18 ka tuig nga gilubong.
Gikataho nga giablihan iyang lungon aron itapad sa iyang banay nga bag-o lang nalubong apan nakurat ang pamilya sa ilang nakita.
Giingon sa mga saksi nga makita pa ang nawong, buhok, ug uban pang bahin sa lawas nga walay timailhan sa pagkadunot.
Sumala sa mga eksperto, aduna’y mga higayon nga ang kahimtang sa lubnganan, klima, ug ubang natural nga hinungdan makapahinay sa proseso sa pagkadunot sa lawas.
Bisan gituohan sa uban nga milagro kini, gipasabut sa siyensya nga posible nga mahitabo ang maong panghitabo ubos sa talagsaong mga kahimtang.
Photo Courtesy: KMJS
