Nagpatabang sa Commission on Human Rights si kanhi Capitol consultant Byron Garcia kalabot sa sumala pa dili maayong pagtratar kaniya sa kapulisan dihang giaresto siya niadtong miaging semana, Hunyo 11, 2026.
Gipunto ni Garcia nga isip usa ka senior citizen nga adunay suliran sa panglawas dili makiangayon ang gihimo kaniya sa kapulisan hinungdan nga mipasang-at kini og reklamo sa buhatan sa CHR.
Ang reklamo ni Garcia nag-ugat dihang giaresto siya sa kapulisan pinasikad sa warrant of arrest tungod sumala pa sa kalapasan sa Safe Spaces Act, kon Gender-Based Sexual Harassment Act.
Ang kaso gipasang-at ni Dr. Elisse Nicole Catalan, anak ni Cebu Governor Pamela Baricuatro, nga iladong kaatbang sa igsuon ni Byron nga si kanhi Governor Gwen Garcia.
Sumala pa ni Garcia nga nalapas ang iyang tawhanong katungod atol sa iyang pagkabilanggo hinungdan nga midangop kini sa CHR.
Gawas niini, gihikay na usab sa kampo niini ang kasong administratibo batok sa hepe sa Talisay Police Station ug mga sakop niini.
Photo courtesy: Byron Garcia, chr.gov.ph
