Gisikop sa mga operatiba sa City of Naga Police Station ang usa ka 32-anyos nga lalaki kinsa gipangita sa balaod tungod sa kasong pagpangawat niadtong nakalabay nga adlaw, didto sa Barangay Inayagan, dakbayan sa Naga, sa probinsya sa Sugbo.
Sumala sa kapulisan nga ang pagdakop sa suspek nga si alias Rener, gipasikad sa warrant of arrest nga gi-isyu sa Regional Trial Court, Seventh Judicial Region, Branch 76, sa City of Naga, Cebu, may kalabotan sa krimen nga pagpangawat pinaagi sa paggamit og pwersa batok sa mga butang ubos sa Artikulo 299 sa Revised Penal Code, sumala sa giusab sa Republic Act No. 10951.
Matud sa mga otoridad nga ang kaso naggikan sumala pa sa usa ka insidente sa pagpangawat niadtong Agosto 2026 sa Barangay Inayagan.
Giingong giguba ug gitangtang sa akusado ang usa ka bintana aron makasulod sa usa ka pinuy-anan, dayon gikuha ang nagkalain-laing mga alahas nga nagkantidad og gibana-banang ₱300,000 nga walay pagtugot gikan sa tag-iya ug misibat human sa maong insidente.
Gitugotan hinuon sa korte nga makapiyansa ang akusado sa kantidad nga ₱72,000 alang sa iyang temporaryong kagawasan.
Photo Courtesy: PNP Cebu City Police Provincial Office
