Nakuha ni Scottie Thompson ang Finals Most Valuable Player award sa PBA Commissioner’s Cup human sa impresibong performance nga iyang gipakita sa Game 7 batok sa TNT.
Giingon ni Thompson nga wala gayud niya damha nga siya ang tawgon isip recipient sa Ramon Fernandez Trophy ug nakurat siya sa pagdawat sa maong dungog.
Nakuha sa Barangay Ginebra San Miguel ang ilang unang kampeonato sulod sa tulo ka tuig human gipildi ang TNT Tropang 5G, 88-76, sa deciding Game 7.
Nakatala si Thompson og 19 puntos, 11 rebounds, walo ka assists ug tulo ka steals aron masuportahan ang dominanteng duwa ni Justin Brownlee.
Matod ni Thompson, kini ang pinakalisod nga kampiyonato nga iyang nasinati maong emosyonal siya human sa duwa tungod sa mga hagit nga ilang giatubang sa serye.
Dako usab ang natampo nila Troy Rosario ug Nards Pinto sa pag-angkon sa titulo. Si Rosario mitapos sa Game 7 nga adunay 13 puntos ug pito ka rebounds aron makatabang sa pagseguro sa kampiyonato sa Ginebra.
Photo courtesy:Spin.ph
