Nagpahayag og dakong emosyon si Rochelle Pangilinan human sa malampusong concert sa California sa Sexbomb Girls.
Sumala pa, giingon ni Rochelle nga talagsaon ang suporta sa mga fans kay halos tanan nakasayaw ug nakanta sa ilang mga hit songs gikan sugod hangtod sa katapusan sa show.
Gidugang niya nga naka-overwhelm ug naka-iyak ang ilang grupo tungod sa mainit nga pagdawat sa mga fans sa gawas sa nasud, ilabi na kay daw “national anthem” na ang ilang mga kanta sa sabay-sabay nga pag-awit sa entablado.
Gipaambit usab sa Sexbomb Girls nga nalipay sila sa ilang international tour ug karon mas na-enjoy na nila ang panahon sa pagbiyahe ug pahulay, dili sama sa ilang sayong mga tuig sa industriya.
Sa karon, si Rochelle gilauman usab nga mobalik sa pag-arte pinaagi sa usa ka upcoming film nga ipagawas karong tuiga.
Photo Courtesy: IMDb
