Napahigayon ang Serbisyo Uban sa Gugma Caravan sa Barangay Anislagan, Nabunturan kagahapong adlawa Hunyo 17, 2026. Kini ang pangunahing programa sa Munisipal nga Panggamhanan sa Nabunturan ubos sa administrasyon ni Mayor Myrocel Clarin Balili.
Nakapahimulos ang mga residente sa nagkalain-laing libreng serbisyo sama sa medical, dental, optical, legal, civil registry, beauty and wellness, ug uban pang serbisyo nga gitumong sa pag-atiman sa panginahanglan sa katawhan, ilabina sa ilang panglawas ug kaayohan.
Matod ni Mayor Balili, padayon ang lokal nga panggamhanan sa paghatod og serbisyo nga duol ug dali maabot sa katawhan.
Nagpasalamat usab siya sa dakong suporta gikan sa Probinsyal nga Panggamhanan ug gi-awhag ang mga lumulupyo sa Nabunturan nga magpadayon sa panaghiusa aron mas mapalambo pa ang komunidad sa lungsod.
