Opisyal nang gilunsad niadtong Hunyo 16, sa Pantukan ang “Free Wi-Fi for All” nga proyekto sa Department of Information and Communications Technology (DICT) XI alang sa 2nd District sa Davao de Oro aron mapalapdan ang libre ug kasaligan nga internet access sa katawhan.
Adunay 142 ka Free Wi-Fi sites nga gitukod sa tibuok 2nd District diin 22 niini anaa sa Pantukan, 34 sa Maco, 26 sa Laak, 13 sa Mawab, 13 sa Mabini, ug 34 sa Nabunturan nga gilangkuban sa mga pampublikong eskwelahan, barangay halls, health centers, palengke, terminal, ospital, ug uban pang pampublikong lugar.
Gawas sa libreng Wi-Fi, gilunsad usab ang eLGU Go-Live Program sa Pantukan aron mas mapadali ug mapahapsay ang paghatag sa mga serbisyo sa lokal nga panggamhanan pinaagi sa online transactions alang sa Business Permit and Licensing, Local Civil Registry, Community Tax Certificate o CEDULA, ug uban pang serbisyo.
Gitambongan ang maong kalihokan ni 2nd District Congressman Jhong Ceniza, Mayor Oliver Ceniza,
