Naglunsad ang nagkadaiyang kompanya sa Japan og mga bag-ong produkto isip pagpangandam sa gipaabot nga mas init nga panahon karong ting-init.
Base sa forecast sa Japan Meteorological Agency, mas taas kaysa normal ang temperatura nga masinati sa nasud gikan Hunyo hangtod Agosto.
Lakip sa gipasundayag nga mga produkto ang mga sinina nga adunay makapabugnaw nga teknolohiya, portable fans, ug mga gamit nga makatabang sa pagpaubos sa temperatura sa lawas.
Gilauman nga mosaka pa ang panginahanglan sa maong mga produkto tungod sa nagkadaghang kabalaka sa publiko batok sa epekto sa grabeng kainit.
Photo Courtesy: Nippon.com
