Nag-viral sa social media ang sweet ug makalingaw nga panagbinayloay sa mensahe nila Jake Cuenca ug Rabiya Mateo nga nakapakilig sa ilang mga fans online.
Nagsugod kini human nagpost si Rabiya og mga hulagway gikan sa usa ka motorcade event sa Morong, Rizal. Samtang naa si Jake sa United Kingdom, mibilin siya og romantikong komento nga nag-ingon nga lisod na siyang makapokus sa talan-awon didto human makita ang mga litrato ni Rabiya.
Mitubag usab si Rabiya sa komento pinaagi sa pag-ingon og “Lande mo,” nga nakadugang sa kasadya ug kilig sa ilang mga fans. Daghang netizens ang midayeg sa natural ug malipayon nilang chemistry isip mag-uyab.
Nahinumduman nga opisyal nga gikumpirma sa duha ang ilang relasyon sayong bahin ning tuiga. Matod pa ni Jake, dugay na niyang gi-idolized si Rabiya ug sa ulahi iyang gisulayan ang pagpakig-ila pinaagi sa social media.
Gipadayag usab sa aktor nga iyang gidayeg ang dedikasyon ni Rabiya sa edukasyon ug personal nga pag-uswag, ilabina human kini madawat sa Faculty of Medicine and Surgery sa University of Santo Tomas.
Dugang pa ni Jake, makita niya ang posibilidad nga mahimong mas seryoso pa ang ilang relasyon sa umaabot, samtang nagpadayon silang magtinabangay ug magtinahuray sa usag usa.
Photo Courtesy: inquirer.net
