Nanguna si Bukidnon Governor Oneil Roque sa labing bag-ong RPMD “Boses ng Bayan” Index of Governance (IOG) survey sa tibuok Northern Mindanao human nakakuha og labing taas nga score nga 79.4%.
Sumala sa RPMD Foundation Inc., ang maong assessment gihimo niadtong Abril 1–8, 2026, diin gisundan si Roque nila Misamis Oriental Governor Juliette Uy (77.8%) ug Misamis Occidental Governor Henry Oaminal (75.7%) sa nag-unang tulo ka pwesto. Nisulod usab sa Top 5 sila Lanao del Norte Governor Khalid Dimaporo nga adunay 73.2% ug Camiguin Governor XJ Romualdo nga nakakuha og 68.9%.
Naglangkob ang maong independenteng survey sa 5,000 ka mga rehistradong botante sa tibuok rehiyon aron sukdon ang kinatibuk-ang trust ug performance ratings sa mga naglingkod nga amahan ug inahan sa matag probinsya.
Gipahayag sa RPMD nga ang tanang lima ka gobernador milabaw sa 55% nga benchmark alang sa maayong pagdumala. Kini giingong nagpakita sa dako ug positibong pagsalig sa katawhan, ingonman ang pag-ila sa ilang maayong liderato, epektibong serbisyo publiko, ug mga haom nga programa alang sa kalamboan sa ilang tagsa-tagsa ka hurisdiksyon
Gipakita sab sa resulta sa maong survey sila Mayor Amie Galario nakakuha og 75.8 porsyento nga Index of Governance (IOG), ug Mayor Jay Warren Pabillaran nga nakakuha ug 80.8 porsyento nga lakip sa mga City Mayor sa Northern Mindanao nga nakabaton og lig-on nga public approval ug governance effectiveness rating.
Photo Courtesy: Serbisyo.ph
