Gipasiatab ni US President Donald Trump nga iyang gipahunong ang plano nga bag-ong military strikes batok sa Iran human sa giingong pag-uswag sa negosasyon aron tapuson ang nagpadayong tensiyon sa rehiyon.
Sa pahayag gikan sa White House, miingon si Trump nga adunay dakong progreso sa kasabutan ug posible kining mapinal sa umaabot nga mga adlaw.
Kini nahitabo human siya una nga mihulga og mas grabe pang aksyon ug bisan pag-angkon sa kontrol sa industriya sa lana sa Iran. Apan pipila ka oras ang milabay, iyang giingon nga adunay pagdawat gikan sa taas nga liderato sa Iran sa pipila ka punto sa negosasyon.
Bisan pa niini, giingon sa Iran nga wala pa pormal nga nahuman ang kasabutan ug adunay mga kalibog pa sa posisyon sa Estados Unidos.
Nagpabiling sensitibo ang mga isyu sa nuclear program sa Iran ug sa kontrol sa Strait of Hormuz, usa sa labing importante nga ruta sa transportasyon sa lana sa kalibutan.
Photo courtesy: CNN World
