Personal nga gitunol ni Senador Christopher “Bong” Go, Hunyo 12, 2026, ang mga nagkalain-laing hinabang ngadto sa mga biktima sa magnitude 7.8 nga linog sa Barangay Tambler, General Santos City. Lakip sa mga giapod-apod sa senador ang 350 ka grocery food packs, snacks, mga bola alang sa kabatan-onan, ug gamay nga cash assistance nga magamit isip pamplete sa mga biktima, diin iyang giklaro nga ang maong pondo gikan mismo sa iyang kaugalingong suweldo.
Sa wala pa miabot sa Barangay Tambler, gipangunahan usab sa senador ang pag-abli sa usa ka bag-ong footbridge sa Polomolok, South Cotabato, ug mihapit sa Barangay Mabuhay sa Gensan aron magpaabot og pahasubo sa pamilya sa usa ka nakabsan sa kinabuhi tungod sa linog. Human niini, nakighimamat usab si Go sa Mayor sa maong dakbayan diin siya nagpadayag sa iyang dako nga paglaum ug pagsalig nga daling makabangon ang tibuok katawhan sa Gensan gikan sa maong kalamidad.
