Gipaabot sa lokal nga kagamhanan ug sa tibuok lungsod sa Manolo Fortich ang ilang dakong pagsaludo ug pormal nga pagpahalipay ngadto sa mga garbo niining mga boksingero human sa malampuson sa ilang mga dula.
Pinaagi sa ilang gipakitang disiplina, determinasyon, ug walay hunong nga paningkamot, gipamatud-an sa mga boksingero nga ang kalampusan makab-ot gayod ug kini nagsilbing dako nga inspirasyon alang sa mga kabatan-onan sa lungsod. Ang ilang kadaugan giila nga dili lang personal nga kalamposan, kondili usa ka dakong dungog nga ilang gidala alang sa tibuok komunidad sa Manolo Fortich.
Dako usab ang pasalamat sa lungsod ngadto sa ilang mga lider nga sila Mayor Rogelio N. Quiño, Vice Governor Clive D. Quiño, Vice Mayor Reynaldo L. Bagayas Jr., ug sa mga miyembro sa Sangguniang Bayan tungod sa ilang walay puas nga pagpaluyo.
Gilayong giila ang dakong papel nilang Municipal Boxing Coordinator Ronald V. Galolo ug Municipal Sports Coordinator Jay E. Alquisar sa padayon nga pagpalambo sa mga sports program nga nag-agak sa mga lokal nga atleta padulong sa kadaugan.
Photo Courtesy: LGU- Manolo Fortich
