Kapin sa 100 ka mga mag-uuma gikan sa nagkadaiyang bahin sa nasud ang nagpahigayon og kilos-protesta sa atubangan sa tanggapan sa Department of Agrarian Reform (DAR) atol sa ika-38 Anniversary sa Comprehensive Agrarian Reform Program (CARP) Miyerkules sa buntag, Hunyo 10.
Gipasiugda sa mga grupo ang ilang reklamo batok sa giingong kapakyasan sa pagpatuman sa repormang agraryo, tungod kay kadaghanan gihapon sa mga mag-uuma sa kabanikanhan wala pa makapanag-iya og kaugalingong yuta.
Matod pa kanila, padayon gihapon nga kontrolado sa mga gamhanang pamilya ug mga politiko ang minilyon ka ektarya nga yutang gipanag-iya sa gobyerno ug uban pang dagkong kayutaan.
Dugang pa nila , nagpadayon usab ang giingong pagpangilog sa yuta pinaagi sa land banking, stock distribution schemes, ug pagkansela sa mga Certificate of Land Ownership Award (CLOA) nga gihatag sa mga benepisyaryo sa repormang agraryo.
Photo Courtesy: Manila standard
