Gisiguro sa lokal nga kagamhanan sa Cagayan de Oro nga andam na ang tanang preparasyon alang sa pagsaulog sa ika-127 nga Independence Day karong Hunyo 12 ning tuiga.
Matod ni City Information Office head Jade Adecer, nakalatid na ang mga seremonyas nga ipahigayon sa Kiosko Kagawasan isip kabahin sa paghandum sa kagawasan sa nasud.
Gawas sa opisyal nga programa, adunay usab medical mission ug ubang mga kalihokan nga ipahigayon sa nagkadaiyang grupo ug organisasyon aron sa paghatag og serbisyo ug pagpakita sa patriyotismo ngadto sa mga katawhan.
Dugang pa ni Adecer nga andam na ang LGU sa tanang aspeto aron masiguro ang hapsay ug malampusong pagsaulog sa Independence Day karong Biyernes, Hunyo 12, uban sa pagpasidungog sa mga bayani nga nakigbisog alang sa kagawasan sa Pilipinas.
Photo courtesy: Cagayan de Oro City
