Gipadayag sa aktres nga si Ellen Adarna ang iyang dakong pagpasalamat kang Isabel Santos, ang uyab sa aktor nga si John Lloyd Cruz, tungod sa maayong pag-atiman niini sa ilang anak nga si Elias.
Sa iyang social media post, gibutyag ni Ellen nga natandog siya pag-ayo ug nakaingon pa nga si Isabel ang “best stepmom” alang sa iyang anak. Gipakita usab niya ang mga hulagway sa ilang pagbonding atol sa bakasyon sa Boracay uban nila John Lloyd, Elias ug ilang mga kauban.
Mitubag usab si Isabel sa maong mensahe ug nagpasalamat kang Ellen sa ilang maayong panaghigalaay ug adlaw-adlaw nga komunikasyon.
Dugang pa, gipost ni Ellen ang usa ka hulagway diin nagkugos ug naglambigitay si Isabel ug Elias, nga nagpakita sa ilang suod nga relasyon isip usa ka pamilya.
Nahibaloan nga si Ellen, Isabel ug John Lloyd padayon nga nagkahiusa sa pag-atiman kang Elias, ug kanunay makita nga mag-uban sa mga biyahe ug kalihokan sa eskwelahan sa bata.
Photo Courtesy: Tatler Asia
