Nag-awhag ang School Principal sa City Central School sa Cagayan de Oro sa tanang internal ug external stakeholders, lakip ang pribado ug mga ahensya sa gobyerno, nga magtinabangay alang sa malampusong Brigada Eskwela sa wala pa magsugod ang klase.
Matod sa principal nga si Dr. Paul Badon, nga importante ang partisipasyon sa komunidad aron masiguro nga andam ug luwas ang eskwelahan alang sa mga estudyante sa umaabot nga pagbukas sa klase.
Gipadayag nga nagkinahanglan pa ang eskwelahan og dugang nga manpower alang sa pagpanglimpyo, cleaning materials, school supplies alang sa mga kindergarten ug Grade 1 pupils, ingon man pintal alang sa pag-ayo ug pagpaanyag sa mga classroom.
Gilauman sa administrasyon sa eskwelahan nga pinaagi sa espiritu sa bayanihan, mahimong mas komportable ug mas angay nga lugar sa pagkat-on ang City Central School alang sa mga kabataan karong bag-ong tuig sa pagtungha.
