Gitunol sa gobyerno ang kinatibuk-ang ₱1.54-M nga pinansyal nga tabang alang sa 31 ka mga Overseas Filipino Workers (OFWs) sa usa ka probinsya, ilawom sa mga programa nga AKSYON ug ELPOR sa Department of Migrant Workers (DMW).
Sa maong ayuda, 28 ka OFWs ang nakadawat sa AKSYON program. Upat kanila gihatagan og ₱75,000 nga medical assistance, samtang 24 ka distressed OFWs nakadawat og ₱50,000 matag usa isip tabang pang-recovery ug panginabuhian.
Dugang pa, tulo ka OFWs ang gihatagan og ₱15,000 nga kapital ilawom sa ELPOR program aron magsugod og gamay nga negosyo.
Sumala sa mga opisyal, ang maong programa nagtinguha nga mopalig-on sa kabuhayan sa mga OFW nga mibalik sa nasud ug motabang kanila nga makabangon ug makasugod og bag-ong panginabuhi alang sa ilang pamilya.
