Gipahibalo ang Philippine National Police (PNP) nga malampuson ang ilang kampanya batok sa cybercrime sa tibuok bulan sa Mayo tuig 2026. Sumala sa PNP Anti-Cybercrime Group, nakapadala sila og 145 ka kaso alang sa pormal nga pagsang-at sa korte, lakip ang 105 regular filings ug 40 ka inquest proceedings.
Sulod sa maong panahon, 153 ka indibidwal ang nadakpan sa nagkalain-laing operasyon. Sa maong gidaghanon, 45 ang nasikop pinaagi sa warrant of arrest, 45 usab pinaagi sa entrapment operations, samtang 63 ang nadakpan, atol sa pagpatuman sa search warrants alang sa computer data ug digital evidence. Dugang pa, 17 ka indibidwal ang sad-an sa mga kaso nga adunay kalabutan sa cybercrime.
Gipasidunggan ni PNP Chief, Jose Melencio C. Nartatez Jr. ang mga cyber operatives tungod sa ilang kalampusan. Matod niya, padayon nga gipalig-on sa PNP ang ilang kapasidad, aron matubag ang nagkadaghang krimen sa digital nga kalibutan. Giingon usab niya nga magpadayon ang organisasyon sa intelihente ug teknolohiya nga gipadagan nga operasyon, aron masiguro ang kaluwasan sa publiko sa cyberspace, ug mapalig-on ang pagsalig sa serbisyo sa kapulisan.
Photo Courtesy:insurance advisory/PNA
