Nakasulod na sa NBA Finals ang San Antonio Spurs human nila gipildi ang defending champion nga Oklahoma City Thunder, sa score nga 111-103, sa Game 7 sa Western Conference Finals nga gipahigayon sa Paycom Center sa Oklahoma City.
Tungod sa ilang kadaugan, nasakmit sa Spurs ang serye sa 4-3 ug opisyal nga nakabook og championship showdown batok sa New York Knicks sa NBA Finals nga magsugod karong Miyerkules sa San Antonio.
Gipangunahan sa French superstar nga si Victor Wembanyama ang Spurs pinaagi sa iyang 22 puntos ug pito ka rebounds, samtang dako usab ang nahatag ni Julian Champagnie nga nakakuha 20 puntos lakip ang unom ka three-point shots. Gidugangan usab ni Stephon Castle og 16 puntos aron matabangan ang Spurs sa pagdominar sa kadaghanan sa duwa.
Segon ni Champagnie, midaug sila tungod sa maayong pagdula isip usa ka team ug sa ilang pagsalig sa usag usa sulod sa court.Kini ang unang kalampusan nga nakab-ot ni Wembanyama sa NBA Finals, ug makita ang iyang kalipay human sa dula iyang gisaulog ang maong kadaugan uban sa iyang mga kauban sa koponan.
Samtang, naningkamot ang Oklahoma City Thunder, napakyas kini sa ilang pagdepensa sa korona. Gipangulohan ni NBA Most Valuable Player Shai Gilgeous-Alexander ang Thunder pinaagi sa iyang 35 puntos apan dili kini igo aron mapugngan ang pag-abante sa Spurs.
Sapagkakaron, andam na ang San Antonio Spurs ug New York Knicks sa ilang panag sangka sa NBA Finals kung kinsa ang mahimong bag-ong kampyon sa NBA karong tuiga.
Photo Courtesy: Sports illustrated
