Gisikop sa kapulisan ang 62-anyos nga lalaki human kining nanagpa sa iyang 65-anyos nga asawa didto sa Purok 2, Barangay Tabon, lungsod sa Jose Dalman, Zamboanga del Norte, niadtong nakalabay nga adlaw.
Giila ang dinakpan nga si Baldo, mag-uuma samtang ang asawa si alyas Linda ug parehong residente sa nasangpit nga dapit.
Base sa inisyal nga imbestigasyon sa kapulisan, anaa ilawom sa impluwensya sa ilimnong makahubog ang suspetsado ug natigayon ang init nga panaglalis tali sa asawa nga biktima nga maoy hinungdan nga gisagpa niini ang asawa sa iyang nawong sa makaduhang higayon.
Tungod sa panghitabo, usa ka concern citizen ang mitawag sa Jose dalman Municipal Police Station hinungdan sa daling pagresponde ug pagsikop sa suspetsado ug gidala sa Police Station alang sa tukmang disposisyon.
