Gikalipay sa TV host nga si Robi Domingo ug sa iyang asawa nga si Maiqui Pineda, ang pagkahugyaw sa ilang pamilya human matawo ang ilang unang anak.
Pinaagi sa usa ka Instagram post niadtong Lunes, pormal nga gipahibalo ni Robi sa iyang mga followers ang maayong balita samtang gipakita ang iyang video clip kauban ang bata. “Our newest housemate,” ang mubo apan puno sa kalipay nga caption sa aktor sa iyang post.
Dugang pa sa iyang video clip, madunggan si Robi nga madasigon kaayong nag-ingon: “Hi guys! Welcome to the outside world.” Kahinumduman nga niadtong Enero lang sa kasamtangan nga tuig sa dihang gikompirma sa magtiayon nga sila excited na sa pag-abot sa ilang first born.
Sila si Robi ug Maiqui nagpakasal niadtong tuig 2023 pinaagi sa usa ka pribadong seremonya sa simbahan nga gitambungan lamang sa ilang mga pamilya ug labing suod nga mga higala.
Photo Courtesy:Kami.com
