Naospital ang magtiayon, human nadisgrasya sa ilang gisakyan nga motor sa Poblacion 4, Midsayap, Cotabato, tungod matod pa sa usa ka iro nga mikalilt og tabok sa kalsada.
Sumala sa report, nawad-an og kontrol ang motor nga gimanehoan ni Boy Nadila, human sa posibleng paglikay aron dili mabangga sa maong iro. Tungod niini, natumba ang motor ug miigo ang drayber sa sementadong kalsada nga maoy hinungdan nga nakaangkon kini og samad sa ulo.
Samtang, nawad-an usab og panimuot ang iyang asawa tungod sa kusog nga pagkahulog. Dali silang gitabangan sa mga responder sa LGU Midsayap, ug gidala dayon sa hospital aron matambalan.
Sa kasamtangan, padayon pang giimbestigahan sa kapulisan ang insidente, aron masayran ang tag-iya sa iro nga giingong midagan human sa maong aksidente.
Photo Courtesy: jfif
