Gibutyag sa Provincial Government sa Misamis Oriental nga nabayran na sa Provincial Health Office-Misamis Oriental ang tanan nilang obligasyon gikan sa tuig 2025.
Matod ni PHO-OIC Dr. Bebina Casiño nga nahuman na ang pagbayad sa mga obligasyon sa buhatan ug misaka usab ang income sa walo ka mga ospital sa probinsya.
Dugang pa ni Dr. Casiño, bisan pa sa pagkunhod sa pondo sa PHO, padayon ang paningkamot sa executive sa pagpangita og pamaagi aron mapadayon ang paghatag og serbisyo sa panglawas ngadto sa katawhan sa Misamis Oriental.
Sumala sa provincial government, padayon ang ilang tumong nga mapalig-on ang health services ug masiguro nga adunay accessible nga medical assistance alang sa mga residente sa probinsya.
Photo courtesy: Provincial Health Office of Misamis Oriental/ Facebook
