Padayon ang pahimangno sa DILG Region X, ngadto sa mga tanang Local Government Units kon LGU aron nga makasagang pa sa posibleng epekto sa El Niño.
Sumala pa ni Hazel Occeña, Local Government Capacity Development, Division Chief sa DILG X daan na nga nakalatid sa baluod nga nagmando sa mga LGUs alang sa pagpahugot sa ilahang disaster preparedness busa, sila ang natahasang magmonitor kung compliant ba ang usa ka LGU.
Lakip sa ilahang lakang ang pag-aghat sa mga LGUs nga regular nga i-update ang ilahang contingency plan, pag-imbentaryo sa mga kagamitan sa pagresponde ug pagpalig-on sa ilahang local climate adaptation action plan.
Dili lang sab kini limitado nga preparasyon alang sa hulaw apan sa bisan unsang kalamidad ang muabot aron nga maminusan ang epekto niini ngadto sa kabtangan labi na sa kinabuhi sa tao.
Dugang sab ni Occeña nga hugot sab ang ilahang pagmonitor sa mga opisyales sa matag LGU kung sila aktibo ug nagalihok ba aron nga mapanalipdan ang ilahang ginsakpan sa bisan unsang katalagman.
