Gikasal na si Rita Gaviola naila sa pangalan nga“BADJAO GIRL” ug longtime partner niini nga si Jeric Ong nga gipahigayon sa Cathedral Shrine and Parish of the good shepherd niadtong Mayo 29, 2026.
Nagpaambit usab si Rita og video sa social media nga nagpakita sa makahilak nga mga higayon sa seremonya, apil ang iyang paglakaw paingon sa altar diin naghulat si Jeric.
Mitumaw ang katahom sa pagsul-ob og tradisyonal nga puti nga wedding gown, samtang si Jeric nagsuot og puti nga Tuxedo nga may itom nga lapel.
Ang ilang kasal gipadayon human mausab ang orihinal nga petsa niini kaniadtong Abril tungod sa kalit nga pagkamatay sa amahan ni Jeric. Human sa panahon sa pagbangutan ug mga kinahanglanong seremonya sa pamilya, nagdesisyon ang magtiayon nga ipahigayon ang kasal ning bulana.
Bisan pa sa mga komento sa ubang netizens mahitungod sa filipino superstition nga gitawag og “sukob,” gipadayon gihapon sa magtiayon ang ilang gihulat nga adlaw.
Matod pa sa ilang naunang social media post, nagtuo sila nga mao kini ang gusto sa nitaliwan nga amahan ni Jeric. Naghatag usab og dugang kahulogan sa okasyon ang paghiusa nila tunggod kay nagsaad kini sa pagsaulog sa adlawng natawhan ni Rita niadtong Mayo 13.
Photo Courtesy: Fashion Pulis
