Viral karon sa social media ang mga tattoo nga giingong gihimo isip simbolo sa pagbangon human sa usa ka panagbulag o break up.
Mikaylap ang hulagway sa mga tattoo sa nagkadaiyang social media platforms diin daghang netizens ang mihatag sa ilang opinyon ug reaksiyon sa talagsaong disenyo nga gipapilit sa usa ka indibidwal isip pahinumdom sa natapos nga relasyon.
Ang uban nga mga netizens nakakita niini isip usa ka mamugnaong paagi sa pagpadayon sa kinabuhi ug pag-atubang sa kasakit nga dala sa panagbulag, samtang adunay usab mga mibati nga sobra ra kini ug mahimong pagabasolan sa umaabot.
Tungod sa nagkadaiyang komento ug reaksyon, dali nga mitrend ang maong mga tattoo idea ug nahimong sentro sa diskusyon sa online community.
Daghang mga social media users ang nagpahimulos sa isyu pinaagi sa paghimo og memes, komedya, ug ilang kaugalingong bersyon sa “tattoo idea after break up edition” nga mas nakadugang pa sa kasikatan sa maong post.
Pipila sa mga tattoo design ang mga pangalan sa ilang mga kanhi hinigugma nga gipang usab human sa break up, nga nakakuga og kataw-anan nga reaction.
Sama nalang sa pangalang Lucy nga gihimong Lucifer, Al nga gihimong Alamoranas, ug Malou nga gihimong Malounggay pandesal.
Sa pagkakaron, padayon gihapon nga naglibot sa social media ang maong hulagway ug nagpadayon ang panagbahinbahin sa opinyon sa publiko mahitungod kung maayong ideya ba o dili ang pagpatatak isip pagtimaan sa usa ka natapos nga relasyon.
Photo Courtesy: Moises Palomo
