Padayon nga nagkadako ang nahatag nga benepisyo sa PhilHealth ngadto sa milyon-milyong miyembro nga mga Pilipino. Sa report sa PhilHealth, niabot sa P143.22 bilyon ang ilang nahatag nga bayad alang sa mga benefit claims gikan Enero hangtod Abril ning tuiga.
Mas taas kini og 56 porsyento kumpara sa P91.72 bilyon nga gipagawas sa samang panahon niadtong 2025. Sa maong kantidad, P84.65 bilyon ang nahatag sa mga pribadong ospital ug uban pang health facilities, samtang P58.57 bilyon ang nipaingon sa mga pasilidad nga gipanag-iyahan sa gobyerno.
Gibutyag usab sa PhilHealth nga kapin P9.1 milyon ka mga miyembro ug dependents ang nakabenepisyo sa ilang mga serbisyo sulod sa unang upat ka bulan sa tuig. Matod sa ahensya, kini nga pagtaas sa benepisyo nagpamatuod sa ilang paningkamot nga mapalapdan ang proteksyong panglawas sa mga miyembro.
Photo Courtesy: PNA
