Nagpahimangno ang Department of Migrant Workers (DMW) Zamboanga del Sur ngadto sa mga pribadong recruitment agencies nga nagpadala og domestic helpers sa gawas sa nasud batok sa ilegal nga pagpangolekta og placement fee gikan sa mga aplikante.
Sumala sa DMW ZDS Provincial Chief Kinnymar Panares, libre ang recruitment ug placement services alang sa mga household service workers o domestic helpers ug kon dunay may mangolekta kanila mamahimong mapasara bisan pa sila lehitimong recruitment agencies.
Gidasig usab sa niya ang mga aplikante nga mahimong alerto ug ireport dayon ang mga recruitment agencies o indibidwal nga nagpaningil og ilegal nga bayronon.
Gipahinumduman usab niya ang mga overseas job seekers nga siguruhong lisensyado ug awtorisado sa DMW ang ilang gi-applyan nga ahensya aron malikayan ang ug iligal nga recruitment.
Samtang, nag-awhag usab siya sa tanang gustong mangitag trabaho sa gawas sa nasud nga kanunayon ang pagberipika sa legalidad sa recruitment agency ug ireport dayon ang bisan unsang kahimtang sa ilegal nga recruitment aron mapanalipdan ang ilang kaugalingong interes ug kaluwasan.
