Andam ang Philippine Olympic Committee (POC) General Assembly sa pagpahamtang og suspension batok sa Philippine National Volleyball Federation (PNVF) human sa desisyon sa International Volleyball Federation (FIVB) nga suspendihon ang nasangpit nga national sports association.
Sumala sa FIVB, ang suspension gipahamtang tungod sa “serious governance concerns” ug daghang giingong paglapas sa FIVB Code of Ethics.
Miingon si POC president Abraham “Bambol” Tolentino nga motahod ang POC sa desisyon sa international federation ug sa ilang internal rules.
Gipasiugda niya nga ang prayoridad sa POC mao ang kaayohan sa mga atleta, ang ilang development programs, ug ang pagpalig-on sa Olympic movement sa Pilipinas.
Gipahibalo usab sa POC nga mangayo sila og klaripikasyon kung kinsa ang mopadagan sa domestic affairs sa volleyball human gipahibalo sa FIVB nga magtukod og ad hoc committee nga temporaryong modumala sa operasyon sa PNVF.
Ang General Assembly sa POC gikatakda nga magtigom sa bulan sa Hunyo aron hisgutan ang maong isyu.
Photo Courtesy: Fastbreak
