Nangandam ug hugot nga gimonitor sukad pa kaniadtong bulan sa Marso ang Regional Disaster Risk Reduction and Management Council Region X ug Office the Civil Defense Region X sa posibleng epekto nga dala sa umaabot nga El Nino.
Sumala pa ni Patrick Alain Callanta, OIC sa DRRM Division nga regular ang ilahang mga meeting, advisories ug information sharing sa nagkadaiyang ahensya sa gobyerno labi na sa mga local government units isip kabahin sa ilahang pagpangandam sa El Nino.
Matod pa ni Callanta nga tungod managlahi ang impak sa El Nino sa matag lugar, padayon nilang ginamonitor ang klima ug panahon pinaagi sa advisories sa DOST-PAGASA.
Gipakusgan sab nila ang information and education sa mga residente sa nagkadaiyang parte sa rehiyon.
Samtang sagad apektado sa pag-igo sa El Nino ang sektor sa agrikultura, supply sa tubig ug kuryente lakip na ang public health tungod ang sobra nga kainit, nga magdala sab og nagkadaiyang sakit sa katawhan.
Photo courtesy: Civil Defense Northern Mindanao – Region X/ Facebook
