Nag-viral sa social media ang usa ka pastor nga giila nga si Evans Eshun human niya sulayan nga “bahinon ang dagat” gamit ang sungkod, nga gikumpara sa milagro ni Moises sa Bibliya.
Sa maong video, makita ang pastor nga midagan paingon sa baybayon, mipataas sa iyang kamot, ug misulti og mga pulong samtang naglaum nga mahitabo ang giingong milagro.
Apan imbis nga mapikas ang tubig, usa ka kusog nga balod ang mitagbo kaniya ug nakapatumba kaniya sa dagat.
Tungod niini, dali nga mikalat ang video sa social media ug nakadawat og nagkadaiyang reaksyon gikan sa mga netizen—adunay katawa, pagduhaduha, ug uban pang komento.
Wala pa usab klaro kung kini ba usa ka seryoso nga buhat sa relihiyosong pagtuo o bahin lamang sa content para sa social media.
Photo Courtesy: Jepoy TV
