Gikuha sa wala pa mailhing lalaki nga nagpaka aron-ingnon nga mekaniko ang usa ka motorsiklo sa Apollo Street, Poblacion, Pikit, Cotabatom ala 1:40 sa hapon, niadtong milabayng adlaw.
Sa taho, giingong naglingkod ang suspek sa atubangan sa usa ka motor shop ug gitouhan nga usa ka mekaniko.
Matod sa biktima, samtang siya ug ang tindera milingi aron mokuha og piyesa, kalit nga gisakyan sa suspek ang Honda XRM 125 ug dali nga mikalagiw padulong sa Batulawan National Highway.
Wala pa mailhi ang suspek ug padayon ang pagpangita sa motorsiklo sa mga otoridad. Naghangyo usab ang tag-iya nga ireport dayon sa kapulisan ang bisan kinsa nga makakita sa maong motorsiklo.
Pahimangno kini sa publiko nga magmatngon ug dili dayon mosalig sa bisan kinsa nga magpailang mekaniko o trabahante sa mga repair shop.
