Gilauman nga sugod sa bulan sa Hunyo hangtud Agosto madeklara ang El Niño nga mulongtad pa hangtud tuig 2027.
Sumala pa ni Arianne Sioson, Weather Specialist sa PAGASA Mindanao nga unang maapektuhan sa El Niño ang mga probinsya sa Bukidnon ug Misamis Occidental dayon mokutay na sa laing probinsya sama sa Misamis Oriental, Camiguin ug uban pa. Maong tungod sa nagsingabot nga El Niño, gitambagan ang tanan nga mangandam na labi na ang anaa sa sektor sa agrikultura aron nga makasagang pa sa mga epekto nga dala sa El Niño.
Samtang tungod adunay dry ug rainy season ang Pilipinas, dili na ikatingala nga makasinati gihapon og mga pag-ulan bisan paman mutunhay ang El Niño. Gani mahimo pa kining rason aron nga pakusgon ang intensity sa unsa mang bagyo nga musulod sa rehiyon o sa nasud.
Photo courtesy: PAGASA-Mindanao PRSD
