Nagpadayon ang pagkabalaka sa mga otoridad sa panglawas human gituohang mokabat na sa kapin 200 ka tawo ang namatay tungod sa Ebola outbreak sa Congo.
Nasuta nga ang hinungdan sa outbreak mao ang talagsaong Bundibugyo virus, usa sa mga klase sa Ebola nga lisod ma tambalan tungod kay wala pay tukmang bakuna ug spesipikong tambal niini.
Matod sa infectious disease specialist nga si Celine Gounder, balik karon sa basic response measures ang mga health workers sama sa isolation, sanitation ug pagmonitor sa mga pasyente tungod wala pay andam nga bakuna alang sa clinical trials.
Gipahibalo usab sa World Health Organization nga adunay mga posibleng bakuna ug therapy nga ginaandam apan kinahanglan pa kini og dugang testing aron maseguro ang kaluwasan ug pagka epektibo niini.
Nasayran nga kaniadto pa adunay duha ka outbreaks nga nalambigit sa Bundibugyo virus sulod sa Congo River basin.
Photo courtesy: Yahoo News
