Gisaulog ni actor Aga Muhlach ug asawa niyang si Charlene Gonzalez ang ilang ika-25 o silver wedding anniversary pinaagi sa usa ka yano nga bike ride uban ang usag usa.
Sa Instagram post, gipakita ni Aga ang ilang outdoor celebration diin nagsul-ob sila og athletic gear samtang nagbisikleta. Matod nasa aktor, nagpabilin silang simple sa ilang pagsaulog ug nagbarog gihapon sa puro nga gugma ug respeto sulod sa 25 ka tuig nilang kaminyoon.
Sa laing bahin, nagpost usab si Charlene og mga litrato sa ilang pagselebrar uban sa ilang kambal nga anak nga sila Atasha ug Andres Muhlach. Giingon niya nga malipayon siya nga padayon nilang gikauban ang usag usa sa pag-atubang sa kinabuhi isip pamilya.
Samtang nagpadayon sa ilang malampusong kaminyoon, nagpadayon usab ang magtiayon sa pagsuporta sa karera sa ilang mga anak sa entertainment industry. Naglaom si Charlene nga mas daghan pang tuig sa kalipay, gugma ug maayong mga handumanan ang ilang matagamtaman isip pamilya.
Photo courtesy: cosmo.ph
