Nadisgrasya ang usa ka Nissan Navarra sa National Highway, Purok Mangahan, Barangay Sinawilan, Matanao, Davao del Sur niadtong Mayo 27,2026.
Base sa inisyal nga imbestigasyon sa Matanao Municipal Police Station, gikan sa Digos City ug padulong sa Bansalan ang sakyanan sa dihang nawad-an og kontrol ang drayber tungod sa madangog nga kahimtang sa dalan nga resulta sa kusog nga ulan.
Tungod niini, mibiya ang sakyanan sa iyang linya, nabanggaan ang poste sa suga sa daplin sa karsada, nitagak ug nahulog sa drainage.
Gimaneho ang sakyanan ni Allan Jess Oraquez Francisco, 53-anyos, uban sa iyang asawa nga si Maida L. Francisco nga maoy pasahero. Bisan sa kadaot nga naangkon sa sakyanan, luwas ug wala’y naangol ang duha ka sakay.
Samtang, nagpahimangno ang kapulisan sa mga motorista nga mag-amping ug maghinay sa pagdrayb ilabina panahon sa ulan aron malikayan ang susamang aksidente.
