Gipirmahan ang tulo ka memorandum of understanding tali sa mga kompanya sa Pilipinas ug Japan isip kabahin sa pagpalig-on sa digital connectivity, financial technology, ug smart city initiatives sa nasud atol sa state visit ni Pangulong Ferdinand Marcos Jr. sa Japan.
Saksi sa pagpirma sa mga kasabutan si Pangulong Marcos uban si Trade and Industry Secretary Cristina Roque. Lakip sa mga proyekto ang paggamit sa artificial intelligence o AI sa Makati City aron mapauswag ang transportation, energy management, ug digital city services.
Apil usab sa kasabutan ang pagpalapad sa smart life digital services sama sa reward programs, ticketing, online payments, ug digital marketing solutions. Gilauman usab nga mapalapad pa ang serbisyo sa GCash sa Pilipinas ug sa ubang nasud pinaagi sa bag-ong partnership.
