Nagpadayon ang City Health Office Cagayan de Oro sa pagdasig sa mga katawhan nga mohunong sa pagpanigarilyo aron malikayan ang grabeng epekto niini sa panglawas.
Giingon ni Katrina Ann Pangadlin nga sa matag pagpugong sa pagpanigarilyo, dako ang benepisyo niini sa kasingkasing ug baga sa usa ka tawo.
Gipasabot usab niya nga normal lamang ang relapse o ang pagbati og pangita sa sigarilyo atol sa pag-undang tungod kay nagarecover pa ang lawas gikan sa epekto sa nicotine.
Bisan pa niini, gi-encourage sa CHO ang publiko nga padayon lang sa paglikay sa sigarilyo ug lig-onon ang disiplina ug will power aron hingpit nga mabuntog ang pagkaadik sa nicotine.
gipahinumduman usab ang publiko nga padayon karon ang kampanya sa panglawas batok sa panigarilyo isip kabahin sa pag-obserbar sa World No Tobacco Day.
