Gipasaka na ngadto sa House of Representatives ang imbestigasyon kalabot sa giallegang maanomalyang paggamit sa heavy equipment sa Misamis Oriental human aprobahan sa Sangguniang Panlalawigan ang committee report sa Committee on Infrastructure.
Matud ni Board Member Panky Acain, importante nga masusi sa Kongreso ang giingong misuse of heavy equipment nga gipanag-iya sa Provincial Government, ilabina ang alegasyon nga gigamit ang usa ka backhoe sa operasyon sa illegal mining.
Gipahayag usab ni Acain nga ang lakang kabahin sa pagpalig-on sa transparency ug accountability sa paggamit sa mga kagamitan sa gobyerno aron masiguro nga dili kini magamit sa ilegal nga kalihokan.
Nagpaabot pa karon ang provincial board sa dugang aksyon ug resulta sa posibleng imbestigasyon nga pagahimoon sa Kongreso may kalabotan sa maong kontrobersiya.
Photo courtesy: Misamis Oriental Provincial Information Office
