Ilunsad sa Department of Education ang Oplan Balik Eskwela isip kabahin sa pagpangandam alang sa pagbukas sa klase para sa School Year 2026-2027 karong Hunyo 8.
Sumala sa DepEd, ang programa modagan gikan Hunyo 1 hangtod Hunyo 11 aron masiguro ang hapsay, luwas, ug walay aberyang balik-eskwela sa mga estudyante sa tibuok nasud.
Miapil sa maong pagpangandam ang nagkadaiyang ahensya sa gobyerno lakip ang PNP, DOH, DILG, DOTr, ug NDRRMC aron motabang sa seguridad, trapiko, komunikasyon, ug emergency response panahon sa opening sa klase.
Giingon usab sa DepEd nga ang mga magtutudlo sa public schools dili pas-anon og administrative ug clerical work aron makapokus sila sa pagpangandam sa classrooms ug sa pag-atiman sa mga estudyante.
Mag-andam usab ang Oplan Balik Eskwela Public Assistance Command Center pinaagi sa hotline, text, email, ug social media aron dali matubag ang mga concern sa ginikanan ug estudyante atol sa pagbukas sa klase.
